Jenis av Rana, landsstýrismaður við mentamálum, hevur júst avdúkað, at tað verður yrkjarin, tónasmiðurin, sangarin og málarin Martin Joensen úr Vestmanna, sum fær Serstaku Virðisløn Landsins 2021.
Virðislønin er á 50.000 krónur.
Martin hevur havt trupulleikar við heilsuni í seinastuni, og kundi tí ikki sjálvur taka ímóti heiðurslønini. Í staðin var tað sonurin, Atli Joensen, sum tók ímóti.
Jenis av Rana vísti á, at Martin Joensen er eitt listafólk, ið hevur rørt hjartastreingir okkara. Vit kenna hann í veitslulagi, kanska serliga fyri sangirnar "Ró" og "Morgun", sum eru millum heilar 36 sangir Martins í Grønu Sangbók.
Eisini eigur Martin tríggjar sálmar í sálmabókaískoytinum hjá Fólkakirkjuni og tveir í nýggju sangbók Brøðrasamkomunar.
Á tiltakinum í SALT vórðu tveir sangir hjá Martini framførdir. Fyrst sungu Lív Næs og Tróndur Enni “Uttan teg” og Svein í Prestgarði og Rakul Bærendsen “Við Vegin”
Vinarliga broyt tínar kennifíla - og privatlívsstillingar fyri at síggja hetta innihald