Merkta grindin úr Bø ferðast vestureftir aftur

Merkta grindin úr Bø hevur seinastu dagarnar aftur ferðast vestureftir, og er nú farin um 24 breiddarstig.

Hetta skrivar hav.fo, ið staðfestir, at grindin ið varð merkt tíðliga í juni nú er líka vestliga, sum tá hon vendi á Reykjanesrygginum. Dýpið er 2500 metrar.

Grindin úr Havn: Bert ein sendari

Nú er eisini greitt, at bert ein sendari er í grindini, sum var merkt í Havn miðskeiðis í juni, tí enn ein sendari er sløknaður. 

Merkta grindin úr Havn fór fyrst tætt fram við Rockall og er síðani farin vestur í hellingina, har dýpið er 1000 metrar.