Merktu grindirnar ferðast vestureftir

Merkta grindin úr Bø hevur seinastu dagarnar ferðast í ein útnyrðing móti Reykjanesrygginum. Komin vestur á Ryggin rakti grindin beint á Stóra Brand, ein kneysi á Rygginum, 45 fjórðingar úr landi, har dýpið bert er 22 metrar, og grindin vendi. Nú er grindin so einar 30 fjórðingar eystan fyri Reykjanesryggin, skrivar Havstovan á heimasíðuna.

Hin grindin, ið varð merkt í Havn, rundaði Munkagrunnin og hevur ferðast í ein vestan. Hon er nú suður av Ytra Banka, 120 fjórðingar úr landi. Sostatt er grindin eisini komin á slóðina av grindini úr Bø.

Mynd: Hav.fo