Merktur grindahvalur kavar djúpt

Tann merkti grindahvalurin úr Fuglafirði, hvørs sendari enn riggar, hevur kavað niður á yvir 1100 metra dýpi. Hetta er djypsta kav, ið er skrásett fyri ein grindahval, merktur í Føroyum.

Grindin er enn suðuri á áleið 59 breiddarstigum. Hon hevur seinastu vikuna verið rættiliga støðuført í dýpinum millum Hatton banka og Rosemary banka.

Tann merkta grindin úr Klaksvík, sum alla tíðina hevur ferðast støðugt suður eftir, vendi hósdagin suðuri á 50 breiddarstigum. Í gjár ferðaðist hon 35 fjórðingar norður eftir aftur. Grindin hevur hildið seg mest í hellingini, men er nú farin út á nakað djypri sjógv.

Havstovan