Mette Frederiksen sleppur aftur at royna at skipa stjórn

"Kongelig undersøger".

Soleiðis er heitið á tí persóni, sum sleppur at standa á odda fyri at skipa nýggja stjórn í Danmark.

Hetta verður enn einaferð Mette Frederiksen - hóast stóra persónliga afturgongd og vánaligasta valið hjá flokki hennara Sosialdemokratiet síðani 1903.

Sí eisini: Mette Frederiksen mist nærum 20.000 atkvøður

Tað er greitt, eftir "kongaliga umfarið" í dag, har flokkarnir í Danmark fóru fyri kong at peika á sítt boð uppá samráðingarleiðara. 

Socialdemokratiet, SF, Enhedslisten, De Radikale og Alternativet hava peikað á forsætisráðfrúnna seinastu tvey valskeiðini sum samráðingarleiðara.

Hesi eru í reyða blokkinum - til vinstru - og hava samanlagt 84 sessir. Tað røkkir ikki til ein meiriluta, og so er spurningurin, um Mette Frederiksen fer eftir Lars Løkke Rasmussen. Hann og Moderaterne kunnu gerast tungan á vágskálini, sum flokkurin á miðjuni.

Sí eisini: Liggur eftir øllum at døma í hondunum á Løkke