Miðlon í Runavík

Seinrapartin í dag skrivaðu Niels Mortensen, stjóri, og Tórbjørn Jacobsen, borgarstjóri, fyri ávikavist Pf. Miðlon og Runavíkar kommunu, undir leigusáttmála um økið, har timburhandilin Borg heldur til á í dag.

Nú Pf. Borg fer undir at byggja nýggjan timburhandil á Glyvrum, hevur felagið gjørt avtalu við Pf. Miðlon um keyp av verandi bygningi. Timburhandilin heldur kortini til á gomlu adressuni, hagartil klárt er at flyta í nýggj hølir longur inni á fjørðinum. Í mun til miðbýarætlanina hjá kommununi er hetta ein hóskandi broyting í økinum, sigur Runavíkar kommuna.

Sagt verður, at Pf. Miðlon at byggja nakað um og annars at reka ymiskt handilsvirksemi, m.a. ein Bónus handil, á matriklinum.