Mjørki í Vágum: Tvey flogfør yvir Føroyum

Flogferðslan hevur verið órógvað í allan dag orsaka av nógva mjørkanum, sum hevur verið í Vágum í dag.

Javnan hevur tað verið SAS, sum hevur avlýst ferðir, men mjørkin hevur eisini noytt Atlantsflog at gera broytingar, og okkurt flogfar er farið til Bergen.

Í skrivandi stund eru tvey flogfør hjá Atlantsflog yvir Føroyum í holding - tað vil siga at tey bíða eftir líkindum at lenda.

Eftir ætlan lendir annað hvørja løtu meðan hitt lendir hálvgun níggju. Síðsta flogfarið í dag lendir eftir ætlan klokkan 01:45 í nátt.

SAS avlýsti sína flogferð til Føroya seinnapartin.

Dagføring 21:30: Bæði flogførini, sum vóru yvir Føroyum fyrr í kvøld eru lend