Mentan

Morgunandakt í Havnar kirkju

Hósdagin 27. september frá kl.10.00 til 10.15 verður morgunandakt við sálmasangi, bíbiulestri og bøn í Havnar kirkju

Savnsmynd (Mynd: Jens Kr. Vang)

Savnsmynd (Mynd: Jens Kr. Vang)

2018-09-24 19:24 Author image
Tíðindaskriv
placeholder

Hósdagin 27. september frá kl.10.00 til 10.15 verður morgunandakt við sálmasangi, bíbiulestri  og bøn í Havnar kirkju. Hetta er nýtt tiltak, sum kirkjan skipar fyri, og morgunandaktin verður eina ferð um vikuna, hvønn hósdag kl. 10. Tað eru prestarnir við kirkjuna, sum fara at skiftast um at hava andaktina.

Prestarnir og kirkjuráðið og eru samd um, at kirkjan er ov litið opin, serliga í vetrarhálvuni, tí umframt hámessuna sunnumorgun, er bert eitt annað fast tiltak á skránni, tað er “Nánd”, sum er triðja  hvønn mikudag. Í summarhálvuni hevur kirkjan verið opin hvønn dag frá 1. mai til 31. august, serliga ætlað ferðafólkum. Eisini var konsertin “Matiné” hvønn leygardag, og hevur kirkjan verið væl vitjað í summar

Havnar kirkja, sum eisini er Føroya dómkirkja, og sum stendur vøkur í hjartanum í Havn, eigur at verða meira brúkt, og nú verður so skipað fyri  morgunandakt hvønn hósdag kl. 10, við sálmasangi og einum góðum orðið við á degnum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder