Munandi minni ferðsla í undirsjóvartunlunum

Fyrrapartin varð kunngjørt, at flogferðslan um Vága Floghavn var næstan helvtina minni í mars í mun til í mars 2019.

Eisini var greitt, at eftir at tiltøkini móti koronavirusinum vórðu sett í verk, minkaði ferðslan við ógvusligari ferð.

Líknandi rák sæst í undirsjóvartunlunum.

Vágaportalurin hevur kunngjørt tølini hjá Vágatunnlinum og Norðoyatunnlinum fyri mars.


(Mynd: vp.fo)

Tey vísa ein týðiligan mun frá ferðsluni sama mánað í fjør. 

Vágaportalurin skrivar, at fram til umleið 12. mars var ikki nakar stórvegis munur í ferðsluni í mun til mars í 2019. Men síðani gjørdist munurin týðiligur.

Hetta hongur millum annað saman við, at flogferðslan eisini minkaði, íhvussu er fyri Vágatunnilin, og eisini at fólk koyra minni millum bygdir í samband við arbeiði og annað.