Myndir: Soleiðis sær Arctic Voyager út

Fyrrapartin var endiliga pláss á skipasmiðjuni Mest í Havn, so uppsjóvarskipið Arctic Voyager kundi takast upp á beding fyri at skoða skaðan, sum skipið fekk, tá tað rendi á land á Ennið uttan fyri Fuglafjørð sunnukvøldið 3. november.

Skipið megnaði sjálvt at koma av aftur og sigldi eisini sjálvt til Havnar, men hevur síðan ligið og bíðað eftir at fáa pláss á stóra bedingsvogninum hjá skipasmiðjuni.

Nú kann við berum eygum staðfestast, at skaðin á kúlustevnið og kjølin er rættiliga umfatandi. 

Myndirnar tók Jens Kr. Vang fyrrapartin

Les eisini:

Arctic Voyager rent á land í Fuglafirði

Botnurin fekk skaða

Skiparin var ikki ávirkaður

Skelkaður at bara fýra mans vóru við