Myndir: Lítið í part í Kvívík

Tað var ikki nógv í part til grindafólk og tey, sum annars høvdu skrivað seg upp á Leynasandi í nátt. Seðlarnir komu út í góðveðrinum Niðri í Urð í Kvívík klokkan 14, og har boðaði Finnbogi Midjord, sýslumaður, frá at tað var eitt fjórðings skinn í part.

51 hvalir løgdu beinini í Leynum stutt eftir midnátt og nógvir av teimum vóru hampiligir í stødd, men grindin er býtt í drápspartar og heimapartar í Kvívíkar kommunu og Vestmanna kommunu. Heimapartarnir eru 0,15 skinn.