Innanlands

Næstan 4.000 nýggj kanningarúrslit kunngjørd

Talan er um kanningar á eldraøkinum og kanningar frá alifyritøkum. Allar vóru negativar. Nú eru 21.865 koronakanningar gjørdar í Føroyum

(Mynd: Ólavur Frederiksen)

(Mynd: Ólavur Frederiksen)

2020-07-09 14:56 Author image
Agnar Prestá
placeholder

Heilsumálaráðið hevur á síðuni fyri kanningarúrslit dagført tølini. Útfyri 9. juli stendur, at 21.865 koronakanningar eru gjørdar í Føroyum. Tað eru 3.889 fleiri, enn talið var á í gjár.

Orsøkin er, at tað er við dagførdum tølum frá kanningum á eldraøkinum og kanningum frá alifyritøkum, har nógvar kanningar eru framdar.

Eingin smitta var at finna í teimum kanningunum, og tað eru framvegis 188 staðfest smittaði og 188 staðfest frísk í Føroyum. 

placeholder
placeholder