Nevndin í Organistfelagnum heldur fram

Týskvøldið helt Organistfelagið aðalfund í Fuglajarðar kirkju. Organistfelagið varð stovnað í 2002, og tí var hetta aðalfundur nr. 20 hjá felagnum.

Nakrar av høvuðsuppgávunum hjá Organistfelagnum eru m.a. at:

• At tryggja neyðugu tilgongdina til organiststarvið, so allar kirkjur hava organist til sínar tænastur.
• At virka fyri góðum fíggjarligum og karmum hjá organistum
• At menna verandi organistundirvísing og útbúgving organistútbúgving her á landi.
• At menna kirkjutónleik yvirhøvur í føroysku kirkjunum.
• At vera stuðulsfelag fyri organistar

Organistfelagið skipar javnan fyri skeiðum í orgulspæli, og kemur í heyst ætlandi eisini at skipa fyri eini ráðstevnu um organistfakið og leiklutin hjá organistum í fólkakirkjuni. Felagið leggur eisini kunning um sítt virksemi og orgulfakið út á www.orgul.fo

Verandi nevnd varð afturvald á aðalfundinum, og hevur hesa samanseting:

Símun Hammer, organistur í Gøtu kirkju – formaður
Albert Pæturson, 1. organistur í Hoyvíkar kirkju – skrivari
Óli Nicodemussen, organistur í Ebenezer – nevndarlimur
Jóhanna Johannesen, organistur í Christianskirkjuni – nevndarlimur
Arni Petersen, organistur í Gøtu og Leirvík – eykalimur
Anita Ellendersen, organistur í Hoyvík - eykalimur