Nógv vatn á vegnum við Søldarfjørð

Nógv regn og okkurt sum er tipt. Tað tykist vera orsøkin til, at ein ovurstórur hylur er á vegnum við Søldarfjørð í morgun.

Løgreglan hevur fingið nógvar fráboðanir og heitt verður á fólk um at vísa ansni.

Hylurin fyllur nógv - alla breiddna á vegbreytuni - og vandi er fyri, at "auquaplaning" (vatnglíðing) kann koma fyri, tá koyrt verður har.

Hetta er, tá tamarhald verður mist á bilinum, tí at nógv vatn er á vegnum.

Løgreglan er á staðnum og roynir at hjálpa, meðan Landsverk hyggur uppá trupulleikan.

Vaktleiðarin heitir á bilførarar um at koyra varliga, tá farið verður framveig Søldarfirði.