Nøkur av teimum, sum koyrdu framvið Hotel Brandan seint seinnapartin, munnu hava fingið ein hvøkk, tí har stóðu ein rúgva av sløkkiliðsbilum uttanfyri.
Einki stórvegis var á vási kortini, tí talan er um jólahald hjá Tórshavnar sløkkiliði, verður upplýst av løgreglustøðini í kvøld.
Annars hevur løgreglan í dag havt nógv samskifti við bilførarar, sum standa fastir á landsvegunum kring landið. Boðini verða givin víðari til Landsverk, sum roynir at grava sum frægast.
Tá vit tosaðu við vakthavandi á løgreglustøðini fyri løtu síðani, var tað ein bilførari sum bíðaði til ein gravmaskina hjá Landsverki kom at grava.
Vinarliga broyt tínar kennifíla - og privatlívsstillingar fyri at síggja hetta innihald