Norðoya Sparikassi hækkar rentuna

Innlánsrenturnar hjá Norðoya Sparikassa hækka við upp til 0,50 prosentstigum og útlánsrentur hækka við upp til 0,25 prosentstigum, galdandi fyri bæði privat- og vinnukundar.

Broytingarnar koma í gildi tann 5. desembur 2023.

Broytingarnar eru grundaðar á seinastu rentuhækkingar hjá Evropeiska Miðbankanum og Danska Tjóðbankanum, sum í septembur hækkaðu leiðandi renturnar við 0,25 prosentstigum.

Rentuyvirlitið á heimasíðu sparikassans www.ns.fo verður dagført, tá ið broytingarnar koma í gildi.