Nú byrjar verkfallið

Klokkan 8 byrjar verkfallið sum Felagið Føroyskir Sjúkrarøktarfrøðingar boðaði frá hósdagin.

Talan er um eitt umfatandi verkfall sum í fyrsta umfari rakti allar seingjardeildirnar í Sjúkrahúsverkinum, men síðan er verkfallið tikið aftur B7 á Landssjúkrahúsinum.

Les eisini: Verkfallið rakar ikki B7 á Landssjúkrahúsinum

Eisini eru flestu av teimum undantøkunum, sum leiðslan á Sjúkrahúsverkinum hevur biðið um, gingin á møti, soleiðis at akutt og neyðugt virksemi kann halda fram eftir klokkan 8.

Allar planlagdar skurðviðgerðir sum skuldu vera í dag, eru avlýstar. Tey sum eru rakt av hesum hava longu fingið boð.