Nú er aftur graslíki á plenuni í Vestmanna

Nú fáa vestmenningar aftur møguleikan at spæla bóltspæl og annað á graslíki á Plenuni oman fyri skúlan á Kongsteigum.

Hetta skrivar kommunan á heimasíðu sínari.

- Drúgv tíð er liðin, síðan gamla graslíkið varð tikið oman av plenuni oman fyri skúlan á Kongsteigum, tí at tað var í so ringum standi, og nógv hevur verið spurt um, nær nýtt graslíki fór at vera lagt á.

Nú er so nýtt graslíki lagt á Plenuna. Undirlagið er gummiasfalt, sum bæði virkar stoytdoyvandi og drenar vætu burtur. Omaná gummiasfaltið er lagt graslíki við sandi í.