Nú eru aftur tvey fólk innløgd á koronadeildini

Í nakrar dagar vóru tveir føroyingar innlagdir við koronasmittuni. Teir vórðu útskrivaðir í gjár.

Tølini í morgun vístu, at 140 hava fingið smittuna, men at eingin var innlagdur.

Nýggjastu tølini vísa tó, at tað nú aftur eru tvey fólk við kornasmittuni, sum eru innløgd á serligu deildini á Landssjúkrahúsinum. 

Tummas í Garði, ið er varastjóri í sjúkrahúsverkinum, váttar fyri Vágaportalinum, at ein sjúklingur varð innlagdur í gjár, og at í dag er ein eldri kvinna innløgd.