Nú eru bert fýra smittað eftir

Hagtølini, sum vórðu dagførd í morgun, vísa, at vit í Føroyum bert hava fýra fólk eftir, sum eru smittað við korona.

409 av teimum 413 fólkunum, sum hava fingið staðfest koronasmittuna í Føroyum, eru nú vorðin frísk. Síðan í gjár eru 30 staðfest frísk, harav sjómenninar frá Yantarnyy, sum vórðu staðfest smittað fyri tveimum vikum síðani.

Sjey fólk eru eftir í sóttarhaldi, og framvegis er ein persónur innlagdur á Sjúkrahúsverki Føroya.

102.850 kanningar eru nú gjørdar.