Nú eru løgtingsfundir aftur almennir

Nú ber aftur til hjá almenninginum at sleppa til løgtingsfundir. Tað boðar Løgtingið frá á heimasíðuni.

Í gjár gjørdi formansskapurin í Løgtinginum av, at løgtingsfundir aftur vera almennir, nú so stórur partur av samfelagnum er koppsettur fyri koronu.

Lagt verður afturat, at tað framvegis verður heitt á tingfólk og onnur, sum koma í Løgtingið um at hugsa um handreinføri, at halda mest møguliga frástøðu, og ikki at taka í hondina á vitjandi.

Skráin fyri dagsins tingfund, sum byrjar nú klokkan 11, sæst her.