Nú sleppa bert 10 fólk í bussin

Tilmælið, sum Tórshavnar kommuna fekk frá Koronaráðgevingini 26. juni segði, at tey kundu loyva í mesta lagi 15 fólk í býarbussunum í senn, umframt bussførara.

Men nú smittutalið er vaksandi, hevur Tórshavnar kommuna tikið avgerð um at seta talið á ferðandi niður á 10 komandi vikuna.

Bussarnir verða framvegis sóttreinsaðir við serligum spritti hvønn dag, sigur kommunan, sum kemur við nærri kunning seinni.