Mentan

Nýggj frímerki frá Posta í dag

Við frímerki har málningur hjá Sigruni Gunnarsdóttir er myndevni, varpar Posta ljós á fjálgandi hendur í føroyskari mentan. Frímerkið verður víst fram á heimsframsýningini í Osaka í dag

2025-09-04 09:20 Author image
Tíðindaskriv
placeholder

Í dag, 4. september, verður eitt nýtt frímerki givið út. Frímerkið myndar málningin hjá Sigrun Gunnarsdóttir “Omma og eg”, har omma og dóttir sita og binda hvør sína ermu á somu troyggju. 

Frímerkjaútgávan, sum hevur heitið Fjálgandi hendur, varpar ljós á hendur í føroyskari mentan – sum ímynd upp á kærleika, umsorgan og dagligt arbeiði. Hendur, ið leiða børn, veita troyst, arbeiða og binda ættarlið saman. Hetta tætta sambandið millum børn og vaksin sæst tíðum aftur í verkunum hjá listakvinnuni, Sigrun Gunnarsdóttir. Frímerkið heiðrar felagsskap og familjuvirði, sum ígjøgnum ættarlið hava sett sín dám á lívið í Føroyum.

Føroysk frímerki á framsýning í Japan

Saman við umboðum frá føroysku vinnuni, listafólki og íverksetum luttekur Posta Stamps á heimsframsýningini EXPO 2025 í Osaka, Japan.

Føroyar eru vertur fyri Faroe Islands Days í norðurlendska skálanum 4. og 5. september, og hetta gevur okkum ein góðan møguleika at vísa fram føroyska mentan og handverk. Frímerkið hjá Sigrun Gunnarsdóttir verður presenterað á framsýningini, umframt serstemplið, sum er framleitt júst til hetta høvið.

Í dag hevur Ingun N. Olsen, leiðari á Frímerkjadeildini, eina almenna framløgu um føroysk frímerki í norðurlendska skálanum Nordic Circle.

[object Object] 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder