Ólavsøkurøðan verður viðgjørd hósdagin

Ólavsøkudag tosaði Aksel V. Johannesen um talv - og um hvat sitandi samgonga ætlar at fremja næstu tíðina.

Les eisini: Sættast ikki við remis - finn støðugt virknar leiðir

Suðuroyartunnil, hækkan av pensjónsaldri og MVG av nøkrum gerandisvørum vóru millum málini, ið løgmaður nevndi. Tey skulu øll fyri í heyst.

Óbeinleiðis var róð frammundir, at stevið kundi verið betri - ella at tað skuldi finnast aftur. Og so skulu Føroyar hava 2.000 fleiri búeindir innan fimm ár.

Aksel V. Johannesen hevði sína triðju ólavsøkurøðu hesa setuna (Mynd: Jens Kr. Vang)

Aðalorðaskifti í morgin

Eftir røðuna tosaði Kringvarpið við formennirnar í andstøðuflokkunum. Ikki óvæntað vóru Jenis av Rana, Beinir Johannesen og Bárður á Steig Nielsen ikki bergtiknir.

Teir peikaðu fyri tað mesta á veikleikar, og tað kann væntast, at nógvar viðmerkingar vera í morgin: Flokkar og persónar skulu markað seg, nú nýggja setan er farin í gongd.

Viðgerðin av løgmansrøðuni, aðalorðaskifti, byrjar í morgin klokkan 10, og heldur møguliga fram fríggjadagin 1. august.

Á tingfundinum hósdagin verður eisini val av limum til Norðurlandaráðið: Tveimum limum og tveimum varalimum.

Ólavsøkurøðan hjá Akseli V. Johannsen kann lesast á leinkjuni niðanfyri - við ískoyti: 

Ólavsøkufrágreiðing løgmans

Til ber at síggja og hoyra røðuna her