Páll Holm Johannesen í starv hjá Vinnuhúsinum

Páll Holm Johannesen, sum seinastu 10 árini hevur arbeitt á Løgmansskrivstovuni sum kunningarráðgevi og uttanríkispolitiskur ráðgevi, er settur í starv í Vinnuhúsinum.

Hansara starv fevnir millum annað um at gera greiningar og kanningar av týdningi fyri samfelagið og føroyskt vinnulív.

Eisini skal Páll leiða og luttaka í verkætlanum í Vinnuhúsinum, umframt at ráðgeva og loysa ymiskar uppgávur innan samskifti.

Páll hevur útbúgving sum samfelagsfrøðingur.