Patrick Stewart verður aftur at síggja í Star Trek

78 ára gamli Patrick Stewart verður enn eina ferð at síggja í leiklutinum sum kapteyn Jean-Luc Picard í vælumtóktu sjónvarpsrøðini Star Trek.

Seinast Patrick Stewart spældi hesa rolluna í sendirøðini var fyri 24 árum síðani í síðstu sesong av sjónvarpsrøðini “Star Trek: Next Generation”. Seinast Patrick Stewart spældi hesa rolluna yvirhøvur var í filminum “Stra Trek: Nemesis” frá 2002.

- Hetta er óvæntað, men deiligt og eg føli meg spentan og upplívgaðan um aftur at spæla leiklutin sum Jean-Luc Picard og at kanna nýggjar dimensiónir við honum, sigur Patrick Stewart sambært BBC.

Enn er ikki heilt vist hvat nýggja sendirøðin fer at handla um.