Paul Watson heldur seg enn uttan fyri 12 fjórðingsmarkið

Paul Watson og skip hansara John Paul de Joria heldur seg framvegis uttan fyri 12 fjórðingsmarki, og er nú ein útnyrðing úr Føroyum.

Landsstýrismaðurin í uttanríkis- og vinnumálum. Høgni Hoydal, hevur tikið avgerð um at seta skipinum forboð fyri at koma inn um 12 fjórðingsmarkið.

John Paul de Joria loysti úr Killybegs í Írlandi mikudagin og hevur siglt við 10 mílaferð síðani. Men tá komið varð norð um Suðuroynna í gjárkvøldið, varð ferðin tikin av skipinum. Síðani hevur verið siglt við 2 til 4 mílaferð norðeftir í nátt.