Reka helst grindina til Havnar

Bátar av Gomlurætt eru nú komnir til grindina, sum fyrr í morgun varð funnin í Hestfirði, og fleiri bátar eru væntandi.

Tað vóru fólk úr landi, sum funnu grindina av Gomlurætt.

Kristjan Martin Joensen, sýslumaður, sigur at støðan enn ikki er tikin til, hvat verður gjørt við grindina.

Men tað fer at reka suðureftir nú, og so verður helst ein roynd gjørd at reka grindina til Havnar, sigur sýslumaðurin.