Rendi í veggin í Kalbakstunlinum

Mánadagin hendi eitt heldur óvanligt ferðsluóhapp í Kalbakstunlinum. Talan var um eitt sovnevnt soloóhap, har ein bilur rendi inn í veggin.

Dimmalætting skrivar, útfrá upplýsingum frá løgregluni, at fólkini í bilinum vórðu flutt á Landssjúkrahúsið til kanningar. Í fyrstu atløgu bendi einki á stórar skaðar.

Bilurin fekk nakað av skaða, og óvist er framvegis, hví óhappið hendi. 

Seinasta samdøgrið hevur einki nevnivert verið í døgnrapportini hjá løgregluni.