Í løtuni hevur Strandferðslan ov fá skip í sigling. Teistin er á beding, Hasfjord fær ikki siglt, tí skipið fekk fekk eitt traktordekk um skrúvuna í Skopun í gjár, og nú er galið við Erlu Kongsdóttir.
Strandferðslan skrivar á heimasíðu sínari fyrrapartin, at trupulleikar við einari aksilpakkdós umborð á Erlu Kongsdóttir ger, at skipið fyribils er tikið úr sigling og liggur á Bursatanga.
Hetta merkir, at Rescue LÍV í løtuni røkir Nólsoyarleiðina og hevur júst verið ein túr. Bjargingarbáturin verður nýttur fyribils á leið 90.
Rescue LÍV (Mynd: Ólavur Frederiksen)
Erla Kongsdóttir skulu sigla tveir túrar á leið 61 - til og frá Hesti - fyrrapartin, men hesir túrarnir eru avlýstir.
Nærri kunning kemur skjótast til ber, skrivar ssl.fo, har til ber at fáa eitt slag av yvirliti yvir støðuna, nú fleiri broytingar eru á ymsum strandfaraleiðum.
Les eisini: Eykatúrar um Skopunarfjørð og avlýstir túrar um Nólsoyarfjørð
Vinarliga broyt tínar kennifíla - og privatlívsstillingar fyri at síggja hetta innihald