Mentan

Rokkpápin heiðraður í Reinsarínum

Chuck Berry verður heiðraður við konsert og frásøgu í Reinsarínum hóskvøldið

2018-09-11 17:11 Author image
Tíðindaskriv
placeholder

Vit heiðra Chuck Berry við konsert og frásøgu í Reinsarínum 13. september kl. 20.00.

Fleiri slóðbrótarar hava verið í rokk heiminum, men helst eingin so slóðbrótandi sum Chuck Berry. Vit kenna hann frá eyðkendnu pallrørslunum “The Duck Walk” og løgum sum Johnny B. Goode, Maybelline og Memphis. Tónleikur hansara hevur gjøgnum tíðirnar verið lovsongur hjá ungum sum gomlum, og hevur hann havt alstóran tídning fyri Rock´n roll sum vit kenna og elska í dag.

Hetta kvøldið greiðir Meinhard Jensen frá um lívið hjá Rock´n roll undangongumanninum, og løg hansara verða tulkaði av Janusi Petersen og Rana Nolsøe á gittar, Jens Paula Joensen á trummum og Jógvan Fróða Baldvinsson á bassi.

Sum John Lennon segði: "Um tú skuldi givið Rock'n'Roll eitt annað navn vildi tú kalla tað Chuck Berry".

Hetta verður tí ein heilt serstøk uppliving, sum bara skal roynast.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder