Russiski trolarin á veg til fiskiskap

Við fleiri enn 20 koronasmittaðum sjómonnum umborð, fór russiski trolarin Karelia av Fuglafirði leygardagin, og trolarin er nú á veg aftur til fiskiskap.

Karelia er farin úr føroyskum sjógvi og er á veg til NEAFC-økið. Eitt øki norðanfyri Føroya, sum er í altjóða sjógvi, skrivar Kringvarpið.

23 av teimum 77 monnunum umborð á trolaranum hava fingið staðfest koronasmittuna, og tveir teirra eru innlagdir á Landssjúkrahúsinum.