Samstarv styrkir endurmenning á Skálagarði

Avtalan merkir, at fysio- og ergoterapeutar frá Klaksvíkar Sjúkrahúsi arbeiða dagliga á bú-, umlættingar- og endurmenningardeplinum Skálagarði í Klaksvík. Harvið fáa búfólkini á Skálagarði eina støðuga og skipaða atgongd til bæði fysioterapi og ergoterapi.

Endamálið við samstarvinum er at tryggja eina rehabiliterandi tilgongd, ið er tilpassað til hvørt einstakt búfólk. Bæði Almannaverkið og Klaksvíkar Sjúkrahús fegnast um hetta samstarv tvørtur um geirar, sum styrkir dygdina og skapar størri heild í tænastunum til búfólkini.

Skálagarður í Klaksvík er ein bú-, umlættingar- og endurmenningardepil fyri fólk við seinheilaskaða, í aldrinum 18–67 ár. Endamálið er at endurmenna mistar førleikar

og varðveita lívsgóðsku og sjálvbjargni, so tann einstaki kann liva eitt virðiligt lív.