SAS fer at flúgva til Føroya á jólum

Um vikuskiftið varð boðað frá, at skandinaviska flogfelagið SAS fer at taka Føroyaflúgvingina uppaftur í mars, men nú er greitt, at nakrir túrar eisini verða gjørdir longu í desember.

Í tíðindaskrivi, sum varð sent út týsdagin, boðaði SAS nevniliga frá, at flogfelagið fór at taka flúgvingina uppaftur á fleiri farleiðum um jólini fyri at ganga eftirspurninginum á møti. 

Ein av hesum leiðum er tann millum Føroyar og Keypmannahavn, og sambært heimasíðuni hjá SAS verður flogið til Føroya 23., 27. og 30. desember.

Les eisini: Føroyaflúgvingin hjá SAS tikin uppaftur í vár