Seðlarnir koma út klokkan 21

Grindin, sum legði beinini í Sandagerði fyrrapartin, telur 145 hval á 1419 skinn.

Hesum boðar Tórshavnar kommuna frá á heimasíðuni.

Grindin verður býtt í 773 drápspartar og heimapart til smærru plássini í kommununi. Hvør drápsparturin er 0,5 skinn.

Seðlarnir koma út klokkan 21 á Vestaru bryggju.

Grindin verður skift í heimapartar til smærru plássini í kommununi umframt í umleið 773 drápspartar.

Hesar bygdir fáa heimapart:
Hestur
Hvítanes
Kaldbak
Kaldbaksbotnur
Kirkjubøur
Koltur
Nólsoy
Norðradalur
Sund
Syrðadalur
Velbastaður

Staðbundin fólk í bygdunum hava fingið boð um at skipa býtið í bygdunum.