Seðlarnir koma út klokkan seks

Um 19-tíðina í kvøld løgdu upp ímóti hundrað hvalir beinini í Hvannasundi. Grindin varð sæð av landi í Árnafirði um 17 tíðina, og tveir tímar seinni var tað yvirstaðið.

Jens Jensen, sýslumaður í Norðoyggjum, upplýsir at seðlarnir koma út klokkan 6 í morginárini, og tað verður á keiini í Hvannasundi.

Býtt verður í drápspartar og eisini til bygdirnar eystan Múla.

Enn er ikki liðugt at merkja hvalirnar, og tí er ikki greitt enn hvat verður í part.

(Mynd: Sverri Egholm)