Seinasta skotið fyri Hvalbiartunlinum verður latið av týsdagin

Týsdagin 7. juli klokkan 16.25 verður seinasta skotið fyri Hvalbiartunlinum latið av. 

Tað verður latið av Trongisvágsmegin.

Landsverk boðar frá, at vegna almennu tilmælini um fyribyrging av korona er ikki møguligt at hava alment hátíðarhald. Í staðin verður hátíðarhaldið fyri innbodnum.

Tvøroyrar hornorkestur spælir, Sigurd L. Lamhauge, stjóri á Landsverki og Jørgen Niclasen, landstýrismaður, halda røðu, og síðani verður farið burturfrá fyri at vera í trygdarfrástøðu, meðan skotið verður latið av.

Sambært Kringvarpinum verður Hvalbiartunnilin tikin í nýstlu í februar komandi ár - eitt ár fyrr enn væntað.