Seks afturat staðfest frísk – Ein innlagdur

Í gjár var eingin nýggjur tilburður staðfestur, vísa nýggjastu hagtølini frá Heilsumálaráðnum.

Samlaða talið á staðfestum tilburðum er tí framvegis 460.

Tó eru seks fólk afturat staðfest frísk, og eru sostatt 423 fólk staðfest frísk tilsamans. Hetta merkir, at 37 eru smittað í løtuni.

127.384 kanningar eru nú gjørdar í Føroyum, og allar kanningarnar frá í gjár eru greinaðar.

Ein er í løtuni innlagdur á sjúkrahúsi við koronasmittu.