Seks umsóknir til starvið sum skúlastjóri í Hoyvík

Fyri einari tíð síðani varð starvið sum skúlastjóri í Hoyvíkar Skúla lýst leyst.

Hans Jón Thomsen var í fleiri ár stjóri í skúlanum, men tvøramaðurin tók við ársbyrjan við sum stjóri í Hondbóltssambandi Føroya. Varaskúlastjórin, Jens á Skipagøtu, hevur røkt starvið alt 2023.

Hans Jón Thomsen fór frá sum stjóri 1. januar, tí hann fór í starv í HSF (Mynd: Sverri Egholm)

Freistin at søkja var úti á midnátt mánadagin. Eftir freistina er greitt, at seks fólk vilja vera skúlastjóri í Hoyvík. 

Hetta skrivar Skúlablaðið í dag.

- Í Hoyvíkar skúla eru 349 næmingar í 1.-9. flokki. Harumframt hevur skúlin serflokk, serliga ætlaður næmingum innan autismuøkið. 16 næmingar eru innskrivaðir í serflokkin. Í skúlanum starvast, umframt leiðsluna, 35 lærarar, 3 námsfrøðingar, skrivari, húsavørðir og vaskifólk.

Starvið er til setanar frá 15. september ella so skjótt sum til ber.