Semingsmaðurin tveitt frá sær

Tað eydnaðist ikki semingsmanninum Terja Sigurðsson at finna semju millum Felagið Føroyskir Sjúkrarøktarfrøðingar og Fíggjarmálaráðið.

Hetta veit Kringvarpið seinnapartin.

Sjúkrarøktarfrøðingar hava verið í verkfalli síðani 2. oktober, og verkfallið harðnar altsamt. Í vikuni kravdi fakfelagið yvirtíð til allar sjúkrarøktarfrøðingar, sum vóru til arbeiðis við undantøkum í Sjúkrahúsverkinum.

Og hóast tað nú ljóðaði, at gongd skuldi vera komin á samráðingarnar, hevur semingsmaðurin staðfest, at tað framvegis er ov langt millum partarnar.