Tíðindaskriv
Fíggjarmálaráðið, Kommunala Arbeiðsgevarafelagið og Heilsurøktarafelagið hava undirskrivað semju um nýggjan sáttmála.
Sáttmálin partanna millum gekk út 1. oktober 2022, og á fundi hin 26. oktober 2022 handaðu partarnir hvørjum øðrum sáttmálakrøv.
Talan er um eina tvey ára semju, ið byggir á lønarhækkan í prosentum.
Tann 1. oktober 2022 hækkar lønin 3,8%, og tann 1. oktober 2023 hækkar lønin 4,04%.
Í semjuni eru eisini broytingar í ásetingunum í sáttmálanum um eitt nú starvslýsingar og sjúku, umframt broytingar í bólkaleiðaraviðbótini og viðbótini fyri frítíðarlegugjald o.a. Harumframt fær lønarlyftið, sum samgongan hevur sett sær fyri at geva lægst løntu bólkunum á umsorganarøkinum, gildi tann 1. januar 2024.
Semjan sæst her, og avtalan um lønarlyft sæst her.
Fíggjarmálaráðið
Vinarliga broyt tínar kennifíla - og privatlívsstillingar fyri at síggja hetta innihald