Semja um sáttmálarnar fyri Føroya Tele og Posta

Mikudagin 4. desember undirskrivaðu Føroya Arbeiðsgevarafelag og Starvsfelagið nýggjan tvey ára sáttmála fyri Føroya Tele og Posta.

Semja var um ein útreiðslukarm á 4,32 prosent fyrra árið, og 3,87 prosent seinna árið.

Karmurin er á sama støði sum aðrar semjur hjá Føroya Arbeiðsgevarafelag í verandi samráðingarrundu, sum byrjaði við samráðingunum við arbeiðarafeløgini, skrivar Vinnuhúsið.