Semja um skattalætta í samgonguni

Landsstýrissamgongan er klár at leggja uppskot fyri løgtingið, sum gevur ein munandi skattalætta til tey lág- og miðalløntu.

Hetta segði Aksel V. Johannesen, løgmaður, við kringvarpið fyri løtu síðani.

Landsstýrissamgongan hevur sitið á samgongufundi í Tinganesi seinnapartin, har skattalættin var á skránni.

Og sambært løgmanni er full semja í samgonguni um skattalættan og hvussu hann skal fíggjast. Sambært løgmanni snýr tað seg um at geva teimum lág- og miðalløntu ein munandi skattalætta. Men løgmaður vil onki siga um innihaldið fyrr enn uppskotið verður lagt fram á løgtingi, væntandi á seinasta framløgudegi fyri jól, sum er fríggjadagin 4. november.

Sambært løgmanni er eisini full semja um, hvussu skattalættin skal fíggjast.

Kringvarpið hevur í dag fleiri ferðir gitt frá óváttaðum keldum, hvussu partur av skattalættanum skal fíggjast. Tað verður gjørt m.a. við at innføra ein CO2-gjald og at niðurlaga sjómanna- og uttanlandsfrádráttin.