Sendifólkaskifti í Reykjavík

Mánadagin 28. august var móttøka á Sendistovu Føroya í Reykjavík í sambandi við sendifólkaskifti.

Frá 1. september verður Hanna í Horni sendikvinna, meðan Halla Nolsøe Poulsen takkar fyri seg fyri at taka við sum stjóri í NORA.

Fitt av fólki høvdu leitað sær inn á gólvið, harímillum altingslimir, ráðharrar, sendifólk og vinir hjá sendistovuni, skrivar Uttanríkis- og vinnumálaráðið.