Sendingin brotin av: Galið við ljóðinum í stóru landsinnsavningini

Ljóðið verður endurtikið einaferð, og tað ger tað torført at hyggja eftir stóru landsinnsavningini hjá Reyða Krossi, sum verður send í sjónvarpinum hjá Kringvarpinum í kvøld.

Danny Baldursson hevur júst framført, og líka so gott sum tað kundi verið, líka so vánaligt var tað.

Fyriskipararnir máttu fyri lítlari løtu síðani ásanna, at hetta ikki var nóg gott, og brutu sendingina, sum annars byrjaði klokkan 19, av.

Hon byrjar væntandi aftur um eina lítla løtu.