Sera langar bíðirøðir við óhapsstaðið

Nú bendir okkurt á, at tað skjótt aftur verður koyrandi eftir landsvegnum í Hvalvík, har eitt ferðsluóhapp hendi fyri góðum tíma síðani.

Fleiri bilar vórðu blandaðir í óhappið, og fleiri persónar eru eisini fluttir á landssjúkrahúsið. Sjúkrabilarnir eru júst komnir til til Havnar í fullum útrykningi.

Men enn veit vaktleiðarin ikki at siga, hvussu nógv fólk eru rakt av ferðsluóhappinum, og hvussu stórur persónsskaðin er.

Vegurin hevur tískil verið stongdur fyri ferðslu, og serliga sunnan fyri Hvalvík er bíðirøðin sera long – heilt suður móti Kjalnesi, frætta vit.

Tórshavnar sløkkilið hevur sent ein bil norðureftir, til tess at rudda vegin áðrenn ferðslan kann koyra aftur.