Innanlands

SEV grevur ælabogabreytina upp mánadagin

Tá verður farið undir at fresa ælabogabreytina burtur

(Mynd: Tórshavnar kommuna)

(Mynd: Tórshavnar kommuna)

2025-09-05 16:35 Author image
Sverri Egholm
placeholder

Hon elvdi til nógv kjak tá hon varð málað, og mánadagin verður hon grivin upp.

Tórshavnar kommuna hevur givið SEV graviloyvi til at gera eitt leiðingsarbeiði í Gundadali.

Talan er um eitt arbeiði, sum fer at ganga ígjøgnum ælabogabreytina, sum tað annars hevur verið nakað av kjaki um í miðlunum.

SEV hevur havt hetta graviloyvið áður, men av tí at hetta arbeiðið hongur saman við grevstrararbeiðið tvørtur um R.C. Effersøes gøtu, bað SEV um at fáa graviloyvið útsett.

Tí var tað heldur ikki í andsøgn við loyvið at mála ælabogabreytina, eisini tí at ælabogabreytin einans skuldi vera fyribils. SEV hevur virt ælabogabreytina og hevur tí eisini sjálvboðið útsett arbeiðið, so breytin kundi vera har í nakrar vikur, sigur kommunan.

Mánadagin verður farið undir at fresa ælabogabreytina burtur, og síðani verður ein grøv grivin at leggja nýggju leiðingarnar hjá SEV í. Tá tað arbeiðið er liðugt, verður asfalterað aftur, men breytin verður ikki málað á aftur á hesum sinni.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder