Shefa-2 kaðalin fingið skaða

SHEFA-2 kaðalin fekk tíðliga í morgun ein skaða á strekkinum millum Orknoyggjar og Skotland. Orsøkin til skaðan er ikki kend í løtuni.

- Arbeitt verður nú saman við okkara undirveitara at fyriskipa umvæling av skaðanum, og væntandi verður kaðalskip á staðnum miðskeiðis í næstu viku. Vit rokna við, at kaðalin verður umvældur komandi vikuskifti, skrivar NET í eini fráboðan. 

Mett verður, at kundar í Føroyum ikki eru ávirkaðir av hesum, tí tey hava samband um FARICE-1 kaðalin.