Sigling til Mykinesar longd

Siglingin til Mykinesar heldur fram til og við 18. oktober, boðar Strandfaraskip Landsins frá á heimasíðuni.

Siglt verður teir dagar, tá ið tyrlan ikki flýgur, t.e. týsdagar, hósdagar og leygardagar eftir hesari ferðaætlan. Í heystfrítíðini verður siglt hvønn dag í vikuni.

Bílegging fer enn, sum áður, fram á www.mykines.fo. Klárt verður at bíleggja út á seinnapartin í morgin, 29. august.

Umframt hetta verður boðað frá, at túrurin á leið 58 millum Hvannasund og Svínoy klokkan 18.30 ikki steðgar 31. august sum áður fráboðað, men heldur fram allan september mánað.