Sjey menn og fýra kvinnur stilla upp fyri Sambandsflokkin

Sambandsflokkurin hevur nú kunngjørt uppstillingina í Tórshavnar kommunu til kommunuvalið, sum verður um ein góðan mánað.

Á listanum eru 11 valevni – sjey menn og fýra kvinnur.

– Talan er um eina góða blanding av kendum og royndum fólkum í kommunal- og landspolitikki, og fólkum, sum eru nýggj í kommunalpolitikki og hava aðrar spennandi royndir og bakgrund, sigur Sambandsflokkurin.

Flokkurin fegnast eisini um, at ein triðingur av valevnunum á listanum eru kvinnur, sum er nakað, sum er við til at tryggja, at ymsu politisku áhugamálini eru væl umboðaði í politikkinum hjá flokkinum, verður sagt.

Valevnini, sum bjóða seg fram at umboða Sambandsflokkin í høvuðsstaðnum komandi valskeið eru hesi:

• Petur Frank Jákupsson Holm
• Jákup Sverri Kass
• Jensia Højgaard Kjærbæk
• Jóhan Petur Johannesen
• Petrina Berg á Lag
• Annfinn Brekkstein
• Harriet Høgnesen
• Ingi Mittún
• Gitte Klein
• Jens Knudsen
• Tummas Rubeksen

(Mynd: Sambandsflokkurin)